انا المايوم غثيت العصافير

[و୭سـام❥الـ⸙ـبغـدادي]

انا الما يوم غثيت العصافير
ولا فد يوم فززت النواطير

ولا دورت عفيه ولا شكر دوم
لأن طبعي مثل طبع النواعير

وذا واحد جهبني وراد العيون
تدلل اكله وصار ويصير

مثل طبع الخشب ماتعب النجار
وضحك دوم بوجوه المناشير

مل مني وجزع حت بير الأسرار
وحته الباكني هم سره بالبير

اهدن بالبخت عالغثني ويطيح
ولا هديت بسلاح وشواجير

أنا من أهل الله موبذرة شياطين
على نيتي عشت وبدون تغيير

النيه الصافيه مزروعه بالروح
مو سلعة عرض عند العطاطير

غابه الدنيا بيهه اشكال وأنواع
بيهه ذياب وقروده وخنازير

ابد ما أكره الناس اليكرهون
تعال اقرا البكلبي اعله التصاوير

ابيض كلب تعرفني الأطباء
شكثر سويت تخطيط وتقارير

اذا كاتل ابوي يمرني خطار
اتلكاه وفضله اعله الخطاطير

و୭سـام❥الـ⸙ـبغـدادي////

[ســُ͜⚘ـانـا]

[و୭سـام❥الـ⸙ـبغـدادي]

//تـوآجدك الرائــع ونــظره منك لموآضيعي هو الأبداع بــنفسه ..
يــســعدني ويــشرفني مروورك الحاار وردك وكلمااتك الأرووع
لاعــدمت الطلــّـه الـعطرهـ جزاكي الله خير جزاء المحسنين اخت سانا

[دمـ๋͜͡℘͜ـو؏⚜ الملكـۂ]

احسنت النشر